Shumë dilema për stolin e Napolit në sezonin e ardhshëm. Shpesh herë është folur se Gennaro Gattuso i ka ditët e numëruara në klubin italian dhe po pritet fundi i sezonit që të vijë shkarkimi i ish-mesfushorit të Milanit.
Sipas raportimit të “Radio Kiss Kiss”, është Maurizio Sarri ai që kërkon rikthimin tek napoletanët. Edhe presidenti De Laurentiis e pëlqen italianin dhe ndoshta mund të kemi një lëvizje të tillë gjatë verës.
Mësohet gjithashtu se ish-trajneri i Chelseas dhe Juventusit ka një kërkesë thelbësore në rikthimin e tij te Napoli. 62-vjeçari kërkon me ngulm mesfushorin e Chelseas, Jorginhon, me të cilin ka punuar edhe në kohën kur drejtonte londinezët. Braziliani që luan për Italinë është në kontratë me anglezët deri në vitin 2023 dhe duket pak e vështirë rikthimi i tij në Serie A. /abcnews.al
