Drejtësi për Diegon. Kjo ishte një ndër frazat më të dëgjuara në protestën paqësore të organizuar ditën e djeshme në Buenos Aires nga familjarët dhe tifozët e “El Pibe D’Oro”. Tashmë kanë kaluar më shumë se tre muaj nga ndarja nga jeta e Maradonës dhe hetimet për të zbuluar shkaqet e vërteta të vdekjes kanë hyrë në një fazë thelbësore.
Publikimi i përgjimeve telefonike të njerëzve të cilët Diego i konsideronte të besuar kanë ndryshuar të gjithë rrjedhën e hetimeve, por ende nuk ka një fajtor. Për këtë arsye u organizua edhe marshimi, në të cilin morën pjesë dy vajzat, Dalma dhe Giannina, së bashku me nënën e tyre Clauddia Villafane.
Fans of Diego Maradona have marched for ‘justice’ in Argentina amid investigations into how the football icon died and whether there was any negligence in his care. pic.twitter.com/4pLd9XGzzz
— Sky Sports News (@SkySportsNews) March 11, 2021
“Dënimi do të jetë social. Ai nuk ka vdekur, ata e vranë atë. Kërkojmë gjykim dhe dënim për fajtorët”, ishin disa nga thirrjet më të shpeshta në protestë. Deri më tani janë plotë shtatë persona të akuzuar për vdekjen e Maradonës: mjeku personal Leopoldo Luque, psikiatrja Agustina Cosachov, psikologu Carlos Diaz, infermierët Ricardo Almiron, Dahiana Madrid, Nancy Forlini e Mariano Perroni. /abcnews.al
