Karim Benzema shënoi një gol të rëndë në derbin e ditës së djeshme kundër Atletico Madrid. Sfida e luajtur në “Wanda Metropolitana” përfundoi në barazim 1-1, rezultat që mban “Los Blancos” në garë për titullin kampion.
Një ndeshje historike për sulmuesin francez, i cili është kthyer në lojtarin e huaj me më shumë prezenca me kampionët e Spanjës. 371 ndeshje me fanellën e Realit për 33-vjeçarin, i cili kaloi një legjendë si Roberto Carlos (370 ndeshje).
¡@Benzema entra en la historia! ?
El francés (371) supera a @Oficial_RC3 (370) como el jugador extranjero del @realmadrid con más partidos en #LaLigaSantander. ??#AtletiRealMadrid pic.twitter.com/iH59AmusXm
— LaLiga (@LaLiga) March 7, 2021
Më pas renditet Marcelo me 366 ndeshje, teksa mbrojtësi i majtë brazilian dhe Benzema vijojnë të garojnë mes tyre për vendin e parë. Ekipi i Zidane renditet në vend të tretë në La Liga me 54 pikë, pesë më pak se Atletico kryesuese, që ka luajtur një takim më pak. /abcnews.al
