Teuta ngeci, Partizani u mund, ndërkohë që edhe Laçi e provoi ndaj Apolonisë që nuk mund të fitohet lehtë, pasi barazoi 1-1. Kurbinasit, edhe pse shënuan të parët me Shehun në fillim të pjesës së dytë, nuk ia dolën të triumfojnë. Diop i Apolonisë befasoi kurbinasit, ndërkohë që Vllaznia mund të shkëputet në krye sërish në rast se mund Kukësin.
Apolonia e nis mirë dhe në 10 minutat e para e vuri në vështirësi skuadrën laçiane. Ekipi i Duros më pas reflektoi dhe nisi të sulmonte drejt portës së fierakëve. Lushkja provoi nga distanca, sikurse edhe Julian Shehu. Ky i fundit në shtesë kishte mundësinë më të mirë për të shënuar, por goditi mbi tra.
Duro në fillim të pjesës së dytë aktivizoi Mazrekajn dhe goli erdhi që në minutën e parë të pjesës së dytë. Julian Shehu i dha avantazhin skuadrës kurbinasve, me një goditje të saktë nga brenda zonës. Laçi u mundua të shënonte edhe golin e dytë, por fierakët u mbrojtën mirë.
Në fund, pas një dalje të gabuar të Sherrit, Apolonia barazoi me anë të Diop. 1-1 dhe Lacci tentoi edhe golin e epërsinë dhe iu afrua shumë me Markun. Sulmet e fundit nuk u konkretizuan me gol dhe skuadrat ndanë nga një pikë. /abcnews.al
LAÇI-APOLONIA 1-1
Shënues: Shehu 46′ / Diop 88′
LAÇI: Sherri, Malota, Selmani (Mazrekaj 46′), Obanor, Marku, Deliu, Lucas Ramos, Lushkja (Ignjatovic 83′), Musta, Shehu, Harmon. Trajner: Shpëtim Duro.
APOLONIA: Harizaj, Sota, Agyare (Levendi 81′), Diop, Mihana, Smaçi (Eyoh 60′), Yeboah, Shanaj (Mehmeti 46′), Zoga (Omeri 81′), Krasniqi (Zaimi 60′), Gjata. Trajner: Fabrizio Cammarata.
GJYQTARË: Klodian Shahini, Arbër Zalla, Marjus Qose, Olsid Ferataj
Kartonë të verdhë: Lucas Ramos 77′, Ignjatovic 94′ / Eyoh 63′, Yeboah 69′, Diop 92′
88′ Diop ka befasuar skuadrën e Laçit, pas një gabimi të portierit Alen Sherri. 1-1 në Laç, tentativa e Ignjatovic nuk mjaftoi
46′ Julian Shehu këtë herë nuk gaboi, duke e çuar topin në rrjetë me një goditje të saktë diagonale
45+1′ Kurbinasit kishin mundësinë më të mirë për të realiozuar në portën e Apolonisë. Julian Shehi, pak metra me portën, nuk goditi saktë
31′ Apolonia pretendon për një penallti, pasi Diop u rrëzua në zonë pas një dueli me Harmon të kurbinasve
