Kim Kardashian do të vazhdojë të jetojë në rezidencën 60 milionë dollarëshe që ndan me Kanye West, si një përpjekje për t’i mbajtur fëmijët në një mjedis të qëndrueshëm gjatë ndarjes së tyre. Mediat e huaja shkruajnë se ish-çifti është dakordësuar që Kim ta marrë rezidencën, pasi dhe familja e kësaj të fundit jeton në zonë.
TMZ raporton se Kim gjithashtu pëlqen të jetojë në këtë shtëpi, duke justifikuar më tej vendimin për të mos lënë rezidencën. Zyrtarisht, Kim bëri kërkesë për divorc nga reperi muajin e kaluar pas muajsh spekulimesh se martesa e tyre ishte drejt fundit.
Çifti ishin të martuar prej gjashtë vitesh dhe ndajnë katër fëmijë. Kim dhe Kanye blenë rezidencën e Hidden Hills për 20 milionë dollarë në 2014, por nuk u zhvendosën deri pas investimeve prej 40 milion dollarësh që bënë. Një burim u shpreh për Page Six se Kim zotëron tokën, ndërsa reperi shtëpinë aktuale. /abcnews.al
