Varianti britanik rrit frikën në Angli, më infektues se mutacionet e tjerë

Varianti B.1.1.7 i koronavirusit i identifikuar  për herë të parë në Mbretërinë e Bashkuar është më infektues sesa versionet e tjera që janë në qarkullim  dhe ka të ngjarë të çojë një rritje të madhe të rasteve.

Ky variant i veçantë është zbuluar në të paktën 82 vende, përfshirë 44 shtete të SHBA-së. Nicholas Davies, i Qëndrës për Kontrollin dhe Parandalimin e Sëmundjeve studioi përhapjen e variantit në të gjithë Anglinë.

“Duke përdorur një sërë qasjesh të modelimit statistikor dhe dinamik, vlerësojmë se ky variant ka një numër riprodhimi 43-90% më të lartë sesa variantet që kanë ekzistuar më parë”.

“Pa masa të rrepta kontrolli, duke përfshirë mbylljen e kufizuar të institucioneve arsimore dhe një vaksinë, shtrimet në spital dhe vdekjet nga  COVID-19 në të gjithë Anglinë në 2021 do të tejkalojnë ato të vitit 2020”, sipas studiuesve.

Nga mesi i shkurtit, B.1.1.7 përbënte  95% të rasteve të koronavirusit në Angli. Rritja e transmetueshmërisë është shpjegimi më i mirë për përhapjen e variantit.

Anglia do të duhej të vaksinonte plotësisht 2 milion njerëz në javë, sipas studiuesve, dhe madje edhe atëherë, mund të jetë e nevojshme  mbyllja e shkollave ose marrja e masave të tjera. Më pak se 1 milion njerëz në Angli janë vaksinuar plotësisht deri më tani, sipas qeverisë së MB.

Në SHBA, afro 27 milion njerëz kanë marrë të dyja dozat./abcnews.al