Zëdhënësi i Ministrisë së Shëndetësisë, Faik Hoti ka konfirmuar se Kosova do të jetë në mesin e vendeve që do të përfitojë vaksinën anti-Covid nëpërmjet skemës së COVAX.
Nëpërmjet një statusi në rrjetin social “Facebook” ai shkruan se Kosova përfiton 100,800 doza që pritet të mbërrijnë gjatë periudhës mars-maj.
“Konfirmohet lista e shteteve përfituese nga raundi i parë i ndarjes së vaksinave kundër COVID-19 përmes mekanizmit COVAX (Shkurt-Maj 2021). Në këtë raund, Kosova përfiton 100,800 doza”, shkruan Hoti.
/abcnews.al/
