Një aksident i rëndë ka ndodhur mesditën e sotme në autostradën Fier-Vlorë. Tre automjete janë përplasur me njëri-tjetrin.
Nga pamjet e siguruara nga ABC duken të paktën dy persona që nxirren nga automjeti. Uniformat blu konfirmojnë se viktimë e aksidentit ka mbetur një 18-vjeçar, ndërkohe që janë plagosur rëndë katër persona të tjerë.
Gazetari Elton Nika raporton se policia ndodhet në vendngjarje dhe ka bllokuar totalisht këtë aks. Lëvizja e mjeteve është zhvendosur në rrugën e vjetër që lidh Fierin me Vlorën. Kështu, autostrada po funksionon vetëm me një krah.
Policia ende nuk ka një njoftim zyrtar referuar shkakut të aksidentit. Nga burme dyshohet se mund të jetë humbja e kontrollit të mjetit por edhe shpejtësia tej normave të lejuara. /abcnews.al
