Deputeti shqiptar në Parlamentin e Serbisë, Shaip Kamberi ka thënë se do të jetë e vështirë që në këtë kohë Serbia ta njoh zyrtarisht shtetin e Kosovës.
Deputeti ka argumentuar se në prillin e vitit të ardhshëm Serbian mban zgjedhjet parlamentare dhe presidenciale. Kamberi thotë se Vuçiç dëshiron të blejë kohë për njohjen e Kosovës.
“Presidenti Vuçiç po dëshiron të blejë kohë për njohjen e Kosovës, njëjtë sikur Boris Tadiqi. Vuçiq në këtë kohë po shtynë marrjen e vendimit përfundimtar për Kosovën. Para zgjedhjeve në Serbi, është problematike të pritet njohja e drejtpërdrejt e Kosovës dhe që Vuçiç ta merr një hap tash para zgjedhjeve është pak e mundshme, vetëm nëse ndodh ndonjë gjë e madhe sikur ajo që ndodhi me Marrëveshjen e Uashingtonit”, ka thënë Kamberi në RTK.
Ai ka folur edhe për raportet me liderin e VV-së, Albin Kurtin. “Kam pasur shpesh takime me zotin Kurtin kur ishte në opozitë, shpresoj që ato të vazhdojnë edhe në qeveri. Këto marrëdhënie me Kurtin i kemi pasur sikur edhe me partitë tjera. Interesi i shqiptarëve të Luginës është që të kenë raporte të drejtpërdrejta me institucionet e Kosovës”, ka thënë ai.
