Loading ...
Banorët e Hamallajt në Durrës janë duke u përballur me një problem mjaft shqetësues sa herë ka reshje. Kreu i degës së Partisë Demokratike në Durrës, Ferdinand Xhaferraj ishte pranë banorëve për të dëgjuar ankesat e tyre.
Ata thonë se shkak për përmbytjet është bërë një kanal, ndërsa sa herë ka reshje ujërat e zeza përzihen me të bardhat.
“Kemi probleme me kanalizimin e ujërave të zeza. Është bërë shkollë e re, kanë ngritur oborrin e shkollës, dhe nga janari dhe këtej sa shira kanë rënë janë kthyer mbrapsht. Përzihen ujërat e bardha me të zezat. Është situatë shumë e vështirë. Ne kemi dashur ta bënim me lekë, ata nuk kanë pranuar”, thotë një banore.
Xhaferraj thekson se banorët e kësaj zone përballen me këtë situatë të përsëritur, ndërsa qeveria dhe bashkia nuk i dëgjon.
“ Jemi me disa banorë, kanë problemin s ekur ka përmbytje këta bëhen më keq. Situata bëhet dramatike sepse përzihen ujërat e zeza. Prej vitesh ankohen. Problemi më i madh është që qeveria dhe bashkia nuk dëgjon qytetarët. Këtë qytet e ka kapur për fyti një bandë”, thotë Xhaferraj. g.v/abcnews.al
