Për shumicën prej nesh, dita nis me një filxhan kafe. Por kjo mund të mos jetë gjëja e duhur që bëni. Mjekët thonë se kohamë e mirë për të pirë kafen e mëngjesit është midis orës 9:30 deri në 11:30.
Ne do ju tregojmë se çfarë i ndodh trupit tuaj nëse pini kafen në mëngjes, me stomak bosh.
Ndiheni më të përgjumur
Pirja e kafes sapo të dilni nga shtrati që t’ju dalë gjumi, ajo do ju jaoë feket të kundërt. Kafeina dyfishon nivelet e hormoneve të stresit dhe mund të çojë në probleme me gjumin, gjë që rezulton në lodhje. Nëse e filloni ditën tuaj me një filxhan kapuçino me sheqer, mund të ndiheni përsëri të përgjumur pas një periudhe të shkurtër kohe. Kjo ndodh sepse trupi ynë prodhon insulinë për të kompensuar sheqerin, duke bërë që nivelet e glukozës në gjak të bien, gjë që rezulton në mungesë energjie dhe ankthi.
Trupi juaj mund të humbasë minerale thelbësore më shpejt.
Pirja e dozës suaj të rregullt të kafesë herët në mëngjes mund të bëjë që të humbni shumë vitamina dhe minerale thelbësore. Mund të sabotojë thithjen e hekurit, magnezit dhe vitaminave B të cilat janë jetike për sistemin tonë nervor. Shumë kafeinë gjithashtu mund të nxjerrë kalcium nga kockat tuaja, duke i bërë ato të dobëta dhe të brishtë.
Mund të sjellë shqetësime në stomak
Pirja e kafës sapo zgjoheni mund t’ju bëjë të shkoni shpesh në banjë. Disa ekspertë mjekësorë rekomandojnë pirjen e kafesë si një mënyrë për t’u përgatitur për provime të caktuara. Kafeja aktivizon sistemin tonë nervor, i cili nga ana tjetër ndikon në zorrën e trashë dhe mund të shkaktojë diarre. Shumë njerëz gjithashtu pëlqejnë të shtojnë qumësht ose krem në filxhanin e tyre, dhe për shkak se shumica prej nesh kanë vështirësi në tretjen e laktozës, kjo mund të shkaktojë edhe shqetësime në stomak.
Mund të çojë në shtim të peshës.
Edhe pse kafeja e zezë mund t’ju ndihmojë të digjni dhjamin, ajo gjithashtu mund të prishë modelet tuaja të shëndetshme të gjumit. Kur nuk flini mjaftueshëm, keni tendencë të ndjeheni më të uritur dhe të keni më shumë dëshira për gjëra të ëmbla. Shumë pije kafeje, janë të mbushura me sheqer dhe kalori dhe mund të shkaktojnë shtim peshe.
Mund të përkeqësojë ankthin.
Kur zgjoheni në mëngjes, nivelet e hormoneve tuaja të stresit janë zakonisht të larta. Për shkak se kafeina është një stimulues, ajo i jep trupit tuaj një efekt nervozizmi dhe madje mund të shkaktojë sulme ankthi për disa njerëz.
Mund të thajë lëkurën tuaj.
Për shkak se shkoni më shpesh në banjë, trupi juaj dehidratohet. Kur dehidratoheni, është më e vështirë që toksinat të dalin nga trupi përmes lëkurës. Kjo, nga ana tjetër, e than lëkurën dhe e bën atë më të prekshme ndaj problemeve të ndryshme, si rrudhat e parakohshme.
Mund të rrisë nivelin e sheqerit në gjak
Filxhani i kafesë në mëngjes e bën më të vështirë për qelizat tuaja për të rregulluar sheqerin në gjak, i cili mund të çojë në sëmundje të ndryshme. Sheqeri i lartë në gjak, nga ana tjetër, mund të çojë në shtim në peshë dhe madje të rrisë rrezikun e infeksioneve të lëkurës./e.b-abcnews.al
