Partizani mori fitoren e dytë radhazi jashtë fushe. “Demat” e Ilir Dajës triumfuan 0-3 ndaj Kastriotit, sukses që erdhi falë golave të realizuar në fraksionin e dytë të ndeshjes.
Ekipi kryeqytetas renditet në vend të dytë dhe diferenca me Vllazninën kryesuese vijon të jetë 6 pikë. Ultras Guerrils, tifogrupi që mbështet pa kushte Partizanin, nuk mungoi as sot në Kamzë.
Në videon e mëposhtme dallohet momenti kur Jasir Asani shënon golin e dytë të Partizanit. Ishte minuta e 78-të kur sulmuesi nga Shkupi ekzekutoi me mjeshtëri një goditje dënimi.
“Gol e ke, gol”, dëgjohet në komentin e një prej ultrasve të kuq. U tha, u bë! Ekzekutim i saktë i Asanit dhe topi në rrjetën e skuadrës krutane. /abcnews.al
