Loading ...
Një studim i ri i kryer nga studiuesit në Universitetin e Newcastle tregon se pirja e çajit përmirëson funksionin e trurit tek njerëzit mbi moshën 85-vjeçare.
Në studim, u zbulua se pirësit e çajit që pinin më shumë se pesë filxhanë në ditë ishin përgjithësisht më të përqendruar. Ata gjithashtu treguan aftësi më të mira psikomotorike, ato që lidhin trurin me lëvizjen.
Edhe në teste, u vërtetua shpejtësi më e madhe ndaj aktiviteteve të përditshme, të tilla si përfundimi i bashkim pjesësh qepja apo ngasja e një makine.
Studimet e mëparshme kanë treguar se çaji ka përfitime shëndetësore, duke përfshirë uljen e presionit të gjakut dhe kolesterolit, dhe mund të ndihmojë në humbjen e peshës.
“Shkathtësitë që ne shohim ruhen në këtë grup të moshuarish”, tha studiuesi Dr. Edward Okello, në Qendrën për Kërkimin e Ushqimit Njerëzor në Universitetin e Newcastle.
Studiuesit studiuan zakonet e pirjes së çajit të atyre mbi moshën 85-vjeç, të cilët jetonin në shtëpi ose në azil dhe zbuluan se ata që pinin më shumë se pesë filxhanë çaj në ditë me ose pa qumësht, performuan më mirë. Ata përdorën të dhëna nga studimi në Newcastle, i cili përfshinte më shumë se 1.000 njerëz mbi moshën 85-vjeç nga Newcastle dhe North Tyneside.
Kur shqyrtuan konsumin e çajit të zi, zbuluan se konsumi më i lartë i çajit ishte i lidhur në mënyrë të konsiderueshme me aftësi më të mira vëmendjeje dhe shkathtësi psikologjike me detyra komplekse.
Prandaj ata sugjerojnë në bazë të rezultateve se çaji i zi duhet të konsiderohet si një gjë shumë e vjetër në çdo dietë që synon përmirësimin e vëmendjes dhe shpejtësisë së përqendrimit.l.k/abcnews.al
