Me shumë gjasa ky do të jetë sezoni i fundit i Kylian Mbappe te PSG. Kampioni i botës e ka shprehur gjithmonë dëshirën për të provuar një aventurë të re në karrierën e tij.
Real Madrid e do prej kohësh dhe 22-vjeçari është ëndrra e madhe e Florentino Perez. Sulmuesi ka një kontratë deri në 2022 me kampionët e Francës, të cilët do detyrohen ta shesin në fund të sezonit nëse nuk vjen rinovimi.
Në garë për shërbimet e tij është edhe Liverpool, madje Canal + raporton se klubi anglez ndodhet në “pole” për Mbappe, duke parakaluar kampionët e Spanjës në garën për lojtarin e talentuar.
Në lojë është futur edhe Jurgen Klopp. Trajneri gjerman është i fiksuar pas Mbappe dhe ka zgjedhur të bindë agjentin e lojtarit për të pranuar transferimin në mitikun “Anfield”.
Klopp nga një anë dhe Fabinho nga ana tjetër. Braziliani ka luajtur te Monaco me Mbappe dhe po tenton t’i mbushë mendjen që të zgjedhë Liverpool përpara Realit.
Një gjë e tillë do të sjellë largimin e Momo Salah. Egjiptiani nuk e ka mohuar një kalim në La Liga, aty ku Real Madrid dhe Barcelona do ishin gati t’i plotësonin çdo dëshirë. /abcnews.al
