Dr. Anthony Fauci është rikthyer në dhomën e konferencave të shtypit në Shtëpinë e Bardhë. Fauci, eksperti më i mirë i sëmundjeve infektive në SHBA, foli të enjten për një “ndjenjë çliruese”, siç e quajti ai të të qenit në gjendje të fliste të vërtetën shkencore për koronavirusin pa frikë nga “pasojat” nga Donald Trump.
Fauci, drejtori i Institutit Kombëtar të Alergjisë dhe Sëmundjeve Infektive, pati një marrëdhënie të trazuar me ish-presidentin dhe gjithnjë e më shumë ishte mënjanuar nga informimet publike.
Por 80-vjeçari u kthye në podiumin e Shtëpisë së Bardhë të enjten pasi Joe Biden bëri të ditur një strategji kombëtare Covid-19 dhe nënshkroi 10 urdhra ekzekutivë për të luftuar pandeminë që tani ka marrë më shumë se 400,000 jetë në SHBA.
“Një nga gjërat që ne do të bëjmë është të jemi plotësisht transparent, i hapur dhe i sinqertë,” u tha Fauci gazetarëve.
“Nëse gjërat shkojnë keq, mos tregoni gishtërinj, por për t’i korrigjuar ato. Dhe për të bërë që gjithçka që bëjmë të bazohet në shkencë dhe prova.
“Kjo ishte fjalë për fjalë një bisedë që unë bëra 15 minuta më parë me presidentin dhe ai e ka thënë këtë shumë herë”, shtoi ai.
I pyetur nëse do të donte të ndryshonte ose sqaronte ndonjë gjë që ai tha gjatë presidencës Trump, Fauci këmbënguli se kishte qenë gjithmonë i sinqertë. “Kjo është arsyeja pse ndonjëherë kam pasur probleme”, tha ai me ironi. g.v/abcnews.al
