Loading ...
Nga Ema Shazivari
Negativizimi nga COVID nuk është betejë e fituar. Pasojat mund të shfaqen edhe pas 4 javësh. Problemet më të mëdha shkaktohen në tru. Mjekja neurologe Entela Basha, tha se 30% e të shtruarve aktualisht në pavijonin e neurologjisë, janë pacientë të cilët kanë dalë nga spitalet covid.
“Vihen re disa sëmundje të tjera, pas javës së 4-8, pas kalimit të COVID, që janë të lidhura me tromboza në organe të ndryshe. Në shërbimin tonë neurovascular, mund të themi që 30% e pacientëve që kemi aktualisht të hospitalizuar, janë pacientë të cilët e kanë kaluar Covid para 4 deri në 8 javë përpara”
Basha tregon shkaqet, pse ndodhin këto problem pas negativizimit nga virusi.
“Ajo që kemi vënë re, te pacientët që kanë ardhur, nuk e kanë vazhduar terapinë e sugjeruar nga specialistët, duke shkaktuar ndryshime në atë që populli e quan trashje të gjakut, dhe duke u bërë shkak për pjesën e trombozave”
Një nga problemet e tjera që shkakton COVID, është tjetërsimi I nuhatjes. Më rrallë ndodh ndryshimi I shijes. Këto pasoja janë te pacientë të cilët e kanë kaluar COVID në stad të lehtë.
“Pacientët që e kanë kaluar COVID, ose janë në fazat e fundit të rikuperimit, vënë re se nuhasin aroma që nuk janë në ambientin që I rrethon. Është ende herët për të dalë në konkluzion nëse ky virus vërtet shkakton probleme të bulbido-faktor, I cili është përgjegjës për nuhatjen, apo është thjeshtë ndoshta një gjetje rastësore”.
Mjekja bën apel që të shëruarve që nuk i është rikthyer pas një kohe të gjatë nuhatja dhe shija, të konsultohen me neurologun, pasi mund të kenë probleme të cilat rrezikojnë shëndetin./mv.abcnews.al
