Loading ...
Harry Styles është bërë sërish kryefjalë e mediave, pas vëmendjes së madhe që mori kur pozoi për revistën Vogue, i veshur me fustan. Këngëtari duket se ka nisur një romancë të re pasi u fotografua së bashku me Olivia Wilde.
Dyshja ishin së bashku në dasmën e një shoku dhe siç shihet nga fotot ecin për dore pa u mundur të fshiheshin nga askush. Mediat e huaja citojnë burime pranë çiftit se ish anëtari i One Direction dhe aktorja hollivudiane ishin çift në dasmë në fundjavë në Montecito, Kaliforni.
“Ata ishin në Montecito, California këtë fundjavë për një martesë”, tha një burim për People”. Ata ishin të dashur me miqtë e tyre, u mbajtën për dore dhe dukeshin shumë të lumtur. Ata kanë dalë për disa javë.”
Gjithashtu raportohet se romanca e tyre ka nisur prej pak kohësh dhe janë të lumtur. Ata kanë një diferencë të madhe moshe, pasi Harry është 26 vjeç ndërsa Olivia 10 vite më e madhe, 36-vjeç. Këngëtari është pjesë e filmit “Don’t Worry Darling”, në të cilin dhe luan dhe aktorja dhe duket se ky bashkëpunim i ka afruar dhe më shumë. /abcnews.al
