Pas njoftimit të djeshëm të Gjykatës Kushtetuese lidhur me vendimin për votën e deputetit Etem Arifi, Presidentja në Detyrë e Kosovës, Vjosa Osmani këtë të martë ka konfirmuar takimin e saj me partitë politike.
Këtë takim fillimisht ajo do ta nisë me Albin Kurtin nga Lëvizja Vetëvendosje, në orën 13:00.
Ndërsa në orën 14:00 Osmani do të takohet me përfaqësues të Lidhjes Demokratike të Kosovës, në orën 15:00 me Memli Krasniqin nga Partia Demokratike e Kosovës, ndërsa në orën 16:00, me Besnik Tahirin nga Aleanca për Ardhmërinë e Kosovës. /abcnews.al
