Medhi Benatia la Juventusin në janarin e shkuar dhe u transferua në Katar për 8 milionë euro, atje ku luan ende me Al Duhail. Por kontrata e tij me ekipin nga Lindja e Mesme përfundon në janar dhe ardhmja e mbrojtësit nuk dihet ende.
Në një intervistë të pak muajve më parë vetë Benatia ka pohuar se dëshiron të rikthehet në Itali, aty ditët e fundit është shfaqur një opsion mjaft tundues dhe prestigjioz.
33-vjeçari nga Maroku mund të bashkohet me Milanin. Kuqezinjtë kanë shumë dëmtime në mbrojtje dhe organika aktuale në difensivë nuk është e plotësuar.
Benatia është një lojtar, që e njeh mirë Italinë sepse më parë ka luajtur për Udinesen, Romën dhe kampionët e Juventusit. Një aventurë te Milani është mundësi reale për marokenin. /abcnews.al
