Twitter pritet t’i japë profilin presidencial zyrtar Joe Biden, kur ai të kryejë betimet për marrjen e detyrës në Shtëpinë e Bardhë, pavarësisht se Donald Trump ende nuk e ka pranuar humbjen e tij në zgjedhjet presidenciale të 3 nëntorit.
Mediat amerikane kanë raportuar se rrjeti social “po përgatitet për tranzicionin e llogarive institucionale të Shtëpisë së Bardhë në 20 Janar 2021”.
Operacioni do të zhvillohet në bashkëpunim me Fondin Arkivor Kombëtar, siç ndodhi në vitin 2017. Të gjitha postimet e botuara në @POTUS, @FLOTUS, @VP dhe profilet e tjera zyrtare do të arkivohen gjithashtu. Llogaritë më pas do t’i rikthehen administratës së re të Shtëpisë së Bardhë në të njëjtën ditë.
Platforma @POTUS përdoret kryesisht nga Trump, por pas zgjedhjeve platforma nisi të postonte vazhdimisht mesazhe paralajmëruese në shumë prej postimeve të Trump.
Kjo pasi ky i fundit pretendon se ka fituar zgjedhjet dhe se kundërshtari i tij Joe Biden kishte fituar pasi kishte manipuluar votat.
Nga ana tjetër, Joe Biden nuk është një përdorues aktiv i Twitter në krahasim me Trump: ai ka postuar rreth 7,000 mesazhe për 19 milion ndjekësit e tij, krahasuar me 58,000 të Trump./abcnews.al
