Mbrëmja e djeshme nuk ishte më e mira për të besuarit e Thomas Tuchel, pasi u mposhtën në transfertën e Monaco. Vendasit arritën ta përmbysnin rezultatin, nga 0-2 në 3-2, duke dalë kështu me tre pikë nga supersfida e Ligue 1.
Gjithsesi ndeshja kundër Monacos do të mbahet mend gjatë për Kylian Mbappen, pasi ai falë dopietës së realizuar është bërë pjesë tashmë e listës së golashënuesve më të mirë të historisë së PSG-së.
Kylian Mbappé enters into the top 5 goalscorers in PSG history:
1 | Edinson Cavani – 200
2 | Zlatan Ibrahimovic – 156
3 | Pedro Miguel Pauleta – 109
4 | Dominique Rocheteau – 100
5 | Mustapha Dahleb & Kylian Mbappé – 98— Get French Football News (@GFFN) November 20, 2020
Fituesi i Kupës së Botës me Francën është aktualisht në kuotën e 98 golave, po aq sa Mustapha Dahleb dhe renditet në vendin e pestë. Në vendin e katërt është Dominique Rocheteau, i cili është ndalur në kuotën e 100 golave.
Në podium do të gjejmë portugezin Pedro Miguel Pauleta, që ka shënuar 109 gola me fanellën e francezëve. Në vendin e dytë renditet gjiganti suedez, Zlatan Ibrahimovic, i cili ka shënuar 156 gola. Kryesimin e ka Edinson Cavani që ka shënuar plot 200 gola për PSG-në dhe është golashënuesi më i mirë në historinë e klubit. /abcnews.al
