Largim ende pa debutuar në kampionat. Kastrioti nuk duhet t’i bëjë llogaritë me portierin Alesio Abibi në vazhdim, pasi shtatlarti që më parë ka luajtur me Tiranën ka tërhequr dokumentacionin dhe do tentojë të luajë sërish në Itali.
“Panorama Sport” raporton se Abibi ka gjetur gjuhën e përbashkët me drejtuesit e Kastriotit, të cilët nuk janë bërë pengesë. Afrimi i Isli Hidit, në momentet e fundit të merkatos, bënë që situata për Abibin të ndryshonte.
Trajneri Ramazan Ndreu ka preferuar 40-vjeçarin si portier të parë dhe Abibi as ka qenë në stol në dy ndeshjet e para të kampionatit. Kështu ai kërkoi largimin dhe doli lojtar i lirë. /abcnews.al
