Bayern Munchen nuk e pati aspak të lehtë, por në fund ia doli të fitonte 1-2 në Moskë përballë Lokomotivës vendase. Kampionët në fuqi të Champions League kryesojnë grupin A me 6 pikë të plota.
Hans-Dieter Flick analizoi përballjen dhe marrjen e tre pikëve në transfertë falë golave të Goretzka dhe Kimmich, teksa vlerëson kundërshtarët për lojën që zhvilluan.
“Arritëm një fitore të vuajtur, por krejtësisht të merituar. Lokomotiva zhvilloi një ndeshje të mirë, u shfaqën të fortë në mbrojtje dhe na vendosën në vështirësi me topat e gjatë.
Në përgjithësi, e merituam fitoren 1-2 dhe ia dolëm të sigurojmë tre pikë shumë të rëndësishme për vazhdimësinë në grupin ku ndodhemi“, deklaroi trajneri i Bayern Munchen. /abcnews.al
