Atalanta është një nga realitetet më të bukura të viteve të fundit. Gian Piero Gasperini ka krijuar një skuadër që luan një futboll spektakolar, në Serie A dhe në Champions League. Shumë tifozë i ka bërë për vete me lojën ultraofensive dhe golat e shumtë.
Një prej tyre është Kaka. Ish-ylli i Milanit dhe Brazilit, po e shijon në maksimum futbollin që prodhojnë zikaltrit dhe nuk i ka kursyer elozhet për ta në një postim në rrjetet sociale. “Më pëlqen shumë mënyra se si Atalanta e ka konsoliduar filozofinë e saj të lojës“, shkruan Kaka.
Obrigado @KAKA! ?? https://t.co/YZfrlP1Mzj
— Atalanta B.C. (@Atalanta_BC) October 22, 2020
Vlerësimi i një kampioni të tillë sjell kënaqësi të mëdha tek Atalanta, që i ka kthyer një përgjigje në Twitter 38-vjeçarit latin. “Respekte Kaka“, lexohet në postimin e klubit, pjesë e të cilit është Berat Gjimshiti, një nga lojtarët më të mirë të kombëtares shqiptare. /abcnews.al
