Kreu i qeverisë Edi Rama u kthye pas në kohë gjatë fjalës në 100-vjetorin e Bibliotekës Kombëtare. Rama tha se në kohën kur ishte student në Liceun Artistik shkonte bashkë me shokët e tij në bibliotekë duke bërë ndihmës-pastruesin për të marrë sanduiçë , për të pasur kështu që të lexonin vjedhurazi atë që asokohe quhej “arti i ndaluar”.
Rama tha se duke qenë në presionin e kohës së limituar merrnin shumë emocione nga koha që kalonin me librin dhe duke jetuar me idenë se kur do ktheheshin përsëri. Numri një i qeverisë nuk la pa thumbuar ata që në rrjetet sociale hedhin akuza ndaj tij, duke deklaruar se është dilemë e madhe nëse libri “digjital” do të mbajë mbyllur djajtë që lëvizin në Facebook me sanduiçe sintetike.
“Ky revolucion është një mundësi për të hapur bibliotekën me mbi 1 milionë dritaret kudo të jetë dhe kështu aksesi në këtë thesar do të jetë global nga të gjithë ata që janë të lindur këtu dhe ata që jetojnë në botë, nga ana që janë të lidhur me atë që është shkruar këtu dhe nga fëmijët tanë që mund të rriten ndryshe nga ne. Më kujtohet kur shkonin në Bibliotekën Kombëtare kur ishin në Liceun Artistik dhe ofroheshim për të bërë ndihmës pastruesin kur mbyllej salla e madhe e lexuesit që të merrnin si një sanduiç dhe ta konsumonim në këmbë me një libër të ndaluar nga ato të artit asokohe të mallkuar të rezervuar të impresionistëve apo kubistëve dhe ishte një kontakt i jashtëzakonshëm dhe erotik me librin që mbetej thellë në mendje dhe në zemër dhe mezi prisnin të ktheheshin përsëri të sistemonim tavolinat e dhe duke lehtësuar ato zonjat dhe duke shpresuar të dilte ndonjë sanduiç tjetër nga sporteli dhe ta konsumonim me një uri të jashtëzakonshme.
Konsumi funksiononte si një skaner që i mblidhte ato imazhe dhe i regjistronte. Liria për të pasur aty librin bën efektin e kundërt se nuk po shkoj sot se aty e kam nesër. Mundësia për ta pasur e bën qenien më pak të interesuar për të marrë nga libri gjithçka ashtu si merrnim ne nga arti i ndaluar. Prandaj mendoj që hapja e dritareve për të aksesuar bibliotekën dhe mundësia për të ndjekur librat në çdo orë është një detyrim i madh dhe një mundësi për ata që do duan të lidhin jetën me librin. Është një dilemë e madhe nëse libri do mbajë mbyllur të gjithë djajtë që lëvizin në rrjetet sociale me sanduiçe sintentike që nuk ngjajnë fare me ato sanduiçet tona që ishin gjithë jetë”, tha Rama./mv. abcnews.al
