Boksi i peshave të lehta (deri në 61.2 kg) ka për herë të parë një kampion të vetëm. Teofimo Lopez, i riu nga Brooklyn, New York, është njeriu i momentit.
Boksieri 23-vjeçar befasoi ekspertë dhe tifozë me një paraqitje fantastike ndaj ukrainasit Vasily Lomachenko.
Në fund të 12 raundeve emocionuese, për gjyqtarët e duelit nuk kishte dyshime. Të tre kartat e pikëve anonin në favor të të riut amerikan: 117-111, 119-109, 116-112.
That's how you close it, fellas … ?
So, who took it??#LomaLopez | LIVE on ESPN pic.twitter.com/KHKRz4NPN8
— Top Rank Boxing (@trboxing) October 18, 2020
Me këtë fitore që pak e prisnin, Lopez i dha fund dominimit shumëvjeçar të 32-vjeçarit Lomachenko, si dhe i mori këtij të fundit 3 titujt kampion bote, WBC, WBO dhe WBA.
Tre brezat e sapofituar i bashkohen dhe titullit të konfederatës IBF të Lopez. Tanimë, divizioni i peshave të lehta ka vetëm një “sundues” legjitim, diçka kjo tepër e rrallë në boksin e pasviteve 2000.
Rrjetet sociale kanë vërshuar me përgëzime për arritjen e boksierit amerikan. Ndër emrat që kanë uruar Lopez kanë qenë legjenda të sportit si Mike Tyson, Manny Pacquiao dhe Saul “Canelo” Alvarez. /abcnews.al
Brooklyn was definitely in the house tonight. Lopez is the man to beat. Another Brooklyn champion. #LomaLopez
— Mike Tyson (@MikeTyson) October 18, 2020
