Eden Hazard është drejt rikuperimit, por nuk dëshiron të nxitohet. Real Madrid përballet në El Clasico me Barcelonën në datë 24 nëntor, sfidë që do të luhet në “Camp Nou”.
Ylli belg nuk ka debutuar akoma këtë sezon, një shqetësim muskulor e mban jashtë fushave dhe dueli ndaj ekipit katalanas është në rrezik.
Sezoni i parë me “Los Blancos” ishte negativ për 29-vjeçarin, i cili vuajti në fillim nga mbipesha dhe pastaj nga dëmtimet e shumta.
Marca raporton se Hazard ka vendosur të rikuperohet plotësisht dhe të rikthehet në fushë në momentin që ndihet krejtësisht i sigurt.
Aktivizimi ndaj Barcelonës e tundon, por lojtari i blerë për shumën e 100 milion eurove nga Chelsea, nuk e ka objektiv primar. Të njëjtin mendim kanë edhe drejtuesit dhe trajneri Zidane. /abcnews.al
