Anglezët duan të rikthehen në stadiume dhe për këtë i janë përgjigjur një peticioni të organizuar online së fundmi. Mjaftojnë 10 mijë firma që qeveria të përgjigjet dhe ato janë mbledhur, madje janë rreth 200 mijë persona që e kanë nënshkruar peticionin.
Kështu në parlament do të diskutohet më datë 9 nëntor për këtë çështje. Momentalisht në Angli ndeshjet po luhen pa tifozë, çka i bën ato disi më pak emocionuese dhe lojtarët nuk është se janë të motivuar si zakonisht.
Për më tepër që atmosfera në stadiumet angleze është fantastike dhe fansat nuk dëshirojnë të humbasin asnjë ndeshje të skuadrave të tyre të zemrës. Një hapje graduale e stadiumeve është menduar edhe më parë, por nuk ka pasur një vendim “pro” për shkak të situatës së krijuar nga COVID-19. /abcnews.al
