Napoli dhe Roma kanë marrë lajme të mira. Nga testet e zhvilluara një ditë më parë është mësuar se asnjë lojtar nuk ka dalë i infektuar me COVID-19.
Bëhet fjalë për lojtarët që nuk ishin prekur, pasi te Napoli ende po vijojnë të qëndrojnë të izoluar lojtarë si Zielinski dhe Elif Elmas. Te Roma pozitiv është vetëm Amadou Diawara, i cili është futur në karantinë që ditën e djeshme.
Edhe te Hellas Verona janë qetësuar ditën e sotme. Pasi Barak dhe Gunter dolën me COVID-19, janë testuar edhe futbollistët e tjerë dhe përgjigjet e marra ditën e sotme tregojnë se nuk ka lojtarë të tjerë të prekur. /abcnews.al
