Pesë persona janë arrestuar në Durrës për vepra të ndryshme penale.
Njoftohet se në pranga është vënë P. Ç., banues në fshatin Mallkuç, Krujë, pasi gjatë kontrollit të ushtruar në banesën e tij, u gjetën dhe sekuestruan rreth 5 kg. lëndë narkotike cannabis sativa.
Po ashtu, është arrestuar nga policia F. M., 58 vjeç, banues në Luz, Krujë, pasi në banesë ka ushtruar dhunë fizike dhe psikologjike ndaj bashkëshortes së tij.
Nga ana tjetër Specialistët e Qarkullimit Rrugor në Drejtorinë Vendore të Policisë Durrës arrestuan në flagrancë:
J. S., 24 vjeç, banues në Durrës, pasi u konstatua nga shërbimet e Policisë në lagjen nr. 4, Durrës, duke drejtuar mjetin tip “Peugeot”, pa leje drejtimi.
M. N., 28 vjeç, banues në Durrës, pasi u konstatua nga shërbimet e Policisë në lagjen nr. 13, Durrës, duke drejtuar mjetin tip “Fiat Punto” në gjendje të dehur.
K. B., 41 vjeç, banues në Durrës, pasi u konstatua nga shërbimet e Policisë në Xhafzotaj, Durrës, duke drejtuar motomjetin pa leje drejtimi.
Materialet i kaluan Prokurorisë së Rrethit Gjyqësor Durrës dhe Prokurorisë së Rrethit Gjyqësor Krujë, për veprime të mëtejshme. a.b/abcnews.al/
