Raporti i DASH për liritë fetare/ Reagon Meta: Pasqyron realitetin

Presidenti Ilir Meta ka përshëndetur konstatimet e raportit të Departamentit të Shtetit për liritë fetare në Shqipëri. Duke iu referuar kritikave sa i takon çështjes së kthimit dhe kompensimit të pronave, kreu i shtetit ka vlerësuar se ato pasqyrojnë situatën reale në vend. “Rikthimi i pronave këtyre bashkësive është jo vetëm një detyrim kushtetues por edhe një kontribut i domosdoshëm për rimëkëmbjen e mëtejshme të institucioneve fetare dhe të forcimit të pavarësisë së tyre”, është shprehur Meta në një deklaratë për shtyp. Presidenti i Republikës ka nënvizuar se, ky raport duhet t’u shërbejë institucioneve shtetërore dhe bashkësive fetare të vendit, me qëllim përmirësimin e mëtejshëm të lirive dhe të drejtave të besimit. /abcnews.al