Manchester City u turpërua nga Leicester City ditën e djeshme. “Dhelprat” e Brendan Rodgers fituan 2-5 në “Etihad Stadium”, duke arritur një triumf madhështor.
Heshtje dhe zhgënjim i madh tek ekipi i Pep Guardiolës, teksa Rodri i ka befasur të gjithë me deklaratën e tij për Sky Sports. “Një humbje e vështirë për t’u shpjeguar.
Konfuzion i madh, por futbolli nuk u tregua i drejtë me ne. Meritonim më shumë kundër Leicester, luajtëm futboll dhe tentuam shumë gjëra, por nuk kishim fat.
U përpoqëm shumë, ndërsa ata bënë vetëm 2-3 gjëra gjatë ndeshjes. Ndoshta është dobësia jonë, ndoshta kjo është forca e tyre.
Jam i ri, tentoj gjithmonë të përmirësohem, por kjo humbje ku kundërshtari nuk bëri asgjë, më ka hutuar krejtësisht“, deklaron mesfushori spanjoll i “Cityzens”. /abcnews.al