Ava Max po shijon suksesin e albumit “Heaven & Hell” që u publikua pak ditë më parë. Albumi që përmban 15 këngë kryeson në Britani. Ndërkohë, së fundmi autorja e hitit “Sweet But Psycho”, e cila e bëri të famshme në mbarë botën ka folur për suksesin e saj ndërkombëtar.
“Oh zot, kishte kaq shumë arritje të mëdha çdo ditë. Numër një në Suedi, pastaj Norvegjia, pastaj Finlanda, pastaj Britania e Madhe. Kënga nuk mund të ndalet – dhe as nuk e di pse. Kjo këngë preku pothuajse të gjithë botën dhe kjo është shumë e vështirë për t’u bërë. Ende nuk mund ta besoj se e bëra këtë.”, tha Ava duke iu referuar këngës “Sweet But Psycho”.
Ndërkaq në projektin e saj që mban titullin “Torn”, Ava vjen si një super hero dhe e pyetur se cila do të ishte “superfuqia” e saj, ajo tha se “Nëse do të duhej të zgjidhja një, patjetër që do të zgjidhja shërimin, sepse ndihem sikur bota ka nevojë për shërim. Dhe emri im superhero me siguri do të ishte Electra, ‘sepse ky është emri i gjyshes sime.” xh.d/abcnews.al
