Ambasadori i BE-së “arratiset” në veri dhe ngre flamurin kuqezi në alpe: Për të mos u humbur

Pas ambasadores së SHBA-së, Yuri Kim ishte radha e atij të BE-së, Luigi Soreca për të ngjitur majën e Vajushës në alpet shqiptare. Ambasadori Soreca ka postuar foto nga aventura në veri të Shqipërisë, ndërsa tregon edhe impresionet që përjetoi.

“Hiking në Lëpushë, ju çon në zemër të Alpeve shqiptare! Ne u ngjitëm te Maja e Vajushës në 2050 metra, kufiri midis Shqipërisë dhe Malit të Zi. Përvojë e mahnitshme, pamje dramatike në dy luginat. Për të mos u humbur” shkruan ai.