Marrëveshja Kosovë – Serbi, Basha: Hap i rëndësishëm për normalizimin e marrëdhënieve, i kontribuon paqes!

schedule19:04 - 4 Shtator, 2020

schedule 19:04 - 4 Shtator, 2020

Arritjen e marrëveshjes Kosovë – Serbi e firmosur sot në praninë e Presidentit të SHBA-ve, e ka përshëndetur edhe kreu i Partisë Demokratike, Lulzim Basha.

Kreu i PD ka falënderuar Presidentin Trump dhe SHBA, Donald Trump për marrëveshjen e arritur mes Kosovës dhe Serbisë.

Basha thotë se kjo marrëveshje do të përbëjë një hap të rëndësishëm drejt normalizimit të marrëdhënieve dhe njohjes reciproke mes Republikës së Kosovës dhe Republikës së Serbisë.

“Personalisht dhe në emër të Partisë Demokratike përshëndes marrëveshjen e arritur mes delegacioneve të Kosovës dhe Serbisë në Shtëpinë e Bardhë. Një falenderim të veçantë për Presidentin Trump dhe SHBA, për vëmendjen dhe përkushtimin ndaj Kosovës dhe Ballkanit.

Shpreh shpresën dhe besimin se kjo marrëveshje do të përbëjë një hap të rëndësishëm drejt normalizimit të marrëdhënieve dhe njohjes reciproke mes Republikës së Kosovës dhe Republikës së Serbisë, duke i kontribuar kështu paqes, stabilitetit dhe integrimit Euro-Atlantik të rajonit”, shkruan kreu i PD.

N.D./abcnews.al

Mos rri jashtë: bashkohu me ABC News. Ne jemi kudo!