Loading ...
Albian Hajdari është një prodhim i Basel, luan në rolin e qendërmbrojtësit dhe është pjesë e kombëtares U-17 të Zvicrës. Shqiptari i lindur shtetin helvet, ka provuar të luajë edhe më përfaqësueset U-15 dhe U-16 të Zvicrës, dhe konsiderohet si një talent i madh.
Skautët e Juventusit e kanë piketuar prej kohësh dhe në muajin korrik arritën akordin me agjentin e 17-vjeçarit. Kampionët e Italisë kanë depozituar kontratën e tij (ka firmosur për tre vite me bardhezinjtë) në Ligën Italiane të Futbollit ditën e sotme.
Një veprim që zyrtarizon kalimin e Hajdarit te “Zonja e Vjetër”. TMW raporton se adoleshenti do të jetë pjesë e ekipit U-23 të Juves, aty ku do të ketë shok skuadrës një tjetër shqiptar si Giacomo Vrioni. /abcnews.al
