Vetëm tre ditë na ndajnë nga nisja e sezonit të ri futbollistik. Tirana dhe Teuta do të zbresin në fushë të luajnë për Superkupën, mbrëmjen e 31 gushtit, ndërkohë që kampionati nis më 12 shtator dhe përfundon më 22 maj.
Ditën e sotme, prej orës 11:00 është hedhur edhe i Superiores në sallën e konferencave në “Air Albania Stadium”. Sekretari i Përgjithshëm i FSHF, Ilir Shulku, dhe Shefi i Sektorit të Garave, Marjus Sulejmani tërhoqën goglat.
Me tërheqjen e tyre u zbardh edhe kalendari për 36 javët e kampionatit, ndërkohë që më poshtë ju sjellim përballjet e fazës së parë, që përsëriten edhe në fazën e tretë.
FSHF ka vendosur disa piketa, teksa deri më 23 dhjetor do të zhvillohen 17 javë të kampionatit dhe në janar ekipet mbyllin fazën e dytë, duke nisur nga 16 janari, kur luhen takimet e javës së 18-të. Sa i takon Kupës së Shqipërisë, ky kompeticion nis më 7 tetor dhe finalja luhet më 29 maj. /abcnews.al
