Policia në Tiranë ka vënë në pranga katër persona për vepra të ndryshme penale.
Njoftohet se një 33-vjeçar është arrestuar pasi ka ushtruar dhunë fizike ndaj bashkëshortes së tij në banesë. Po ashtu, policia ka arrestuar në flagrancë 46-vjeçarin A.H., , i cili ka goditur për shkak të detyrës , 60-vjeçarin J.L., punonjës i policisë private.
Gjithashtu, njoftohet se Specialistët e Qarkullimit Rrugor kanë arrestuar në flagrancë J.R., 45 vjeç, që u kap në rrugën “Ali Demi”, duke drejtuar motorin në gjendje të dehur. Kurse 21-vjeçari E.C., u kap në rrugën “5 Maji” duke drejtuar mjetin pa lejen përkatëse.
Njoftimi:
Tiranë
Ushtroi dhunë fizike ndaj bashkëshortes, arrestohet në flagrancë 33-vjeçari.
Në pranga dhe 3 shtetas të tjerë, për vepra të ndryshme penale.
Nga specialistët për Hetimin e Krimit në Komisariatin e Policisë Nr.4, u bë arrestimi në flagrancë i shtetasit E.Z., 33 vjeç, pasi ka ushtruar dhunë fizike ndaj bashkëshortes së tij, në banesë.
Po nga specialistët për Hetimin e Krimit në Komisariatin e Policisë Nr.4, u bë arrestimi në flagrancë i shtetasit A.H., 46 vjeç, pasi ka goditur për shkak të detyrës, punonjësin e policisë private shtetasin J.L., 60 vjeç.
Specialistët e Qarkullimit Rrugor bënë arrestimin në flagrancë i shtetasve :
J.R., 45 vjeç, pasi në rrugën “Ali Demi”, u kap duke drejtuar motorrin në gjendje të dehur në masën 0.75mg/l;
E.C., 21 vjeç, pasi në rrugën “5 Maji” u kap duke drejtuar mjetin pa lejen përkatese.
Materialet i kaluan Prokurorisë së Rrethit Gjyqësor Tiranë, për veprime të mëtejshme. /abcnews.al/
