Loading ...
NASA ka publikuar disa imazhe mahnitëse të shkrepura në Mars në kuadër të 15-vjetorit të lëshimit nga Toka të anijes kozmike “Mars Reconnaissance Orbiter”. Anija u dërgua për të studiuar temperaturën e atmosferës marsiane dhe mbledhjen e informacioneve në lidhje me mineralet e pranishme në sipërfaqen e planetit.
Për të festuar 15 vjetorin e nisjes së saj, NASA ndau këto imazhe spektakolare nga ky mision i jashtëzakonshëm. Ndërsa zbulimet shkencore kanë qenë të jashtëzakonshme, anija kozmike është bërë më e njohur për imazhet që tregojnë tipare të jashtëzakonshme në sipërfaqen e botës së huaj, shkruan abcnews.al.
“Mars Reconnaissance Orbiter” menaxhohet nga Laboratori i NASA-s (JPL) në Kaliforninë Jugore dhe ekipi që drejton anijen zgjodhi një numër imazhesh që ata i konsiderojnë ‘ndër më të goditurit’ e planetit. /abcnews.al/
