Egnatia vazhdon të jetë aktive në merkato dhe ka siguruar dy afrime të tjera për objektivin Superiore. Klubi nga Rrogozhina ka përforcuar sulmin me Francis Momoh.
19-vjeçari nigerian vjen në huazim nga Grasshopers dhe së shpejti pritet të vihet nën urdhrat e trajnerit Magani. Afrimi tjetër është Orian Xhemalaj, mesfushori nga Ballshi.
31-vjeçari u transferua tek Erzeni janarin e këtij viti dhe tani do të garojë për Egnatian. Mesfushori ka firmosur një kontratë njëvjeçare, me opsionin e rinovimit për një tjetër vit.
Afrimet e fundit kanë rritur entuziazmin në kampin rrogozhinas, teksa pak ditë më parë janë afruar emra si Ndriçim Shtubina, Artur Magani dhe Mario Teqja. /abcnews.al
