Loading ...
Heroizmin kryesor e bënë rekordmenët e titujve. Tirana arriti një fitore të madhe, që ishte vërtet jetike, në fushën e Teutës në Durrës, në një duel direkt për mbijetesën në Superligë.
Skuadra bardheblu, 26 herë kampione e vendit, ishte hequr nga defteri pas tri fazash të kampionatit, por po ecën me ritëm për titull dhe në stadiumin “Niko Dovana” ia doli me gol të shënuar nga Haxhiu në 76’.
Ishte pikërisht një futbollist që hyri nga stoli që siguroi një fitore që mund të sigurojë qendrimin në elitë, ndërsa Teuta hyri në vallen e frikshme duke qenë edhe ajo pranë ferrit.
Tashmë, janë 4 ekipe në vendet e fundit me nga 38 pikë, Tirana, Bylis, Teuta e Vora, ndërsa Flamurtari mbetet I fundit me 35.
U duk se skuadrat e tjera të rrezikuara morën dhuratat e radhës.
Vora mundi 4-2 Elbasanin kryesues, që ndoshta kishte shkuar në këtë sfidë për një shëtitje, vetëm pak ditë pas fitores në duelin direkt për titull ndaj Vllaznisë.
Shkodranët e pësuan më keq sepse u mundën në “Loro Boriçi”.
Ualison në 64’ dhe Stoilov në minutën e pestë shtesë me penallti siguruan fitoren e madhe për Bylisin, ndërsa tifozët e shprehën hapur pakënaqësinë ndaj skuadrës kuqeblu.
Partizani bëri edhe dhuratën e radhës, tashmë pa trajnerin Oltion Kërnaja në stol, pasi ai u shkarkua pak ditë më parë nga klubi.
Flamurtari I ringjallur javët e fundit triumfoi 4-1 në “Arenën e Demave”.
Bolzan dy herë, Diaurra dhe Maksuti ishin autorët e golave për vlonjatët, ndërsa të kuqtë shënuan për 1-2 momental me anë të Bytyçit.
Në një tjetër ndeshje ku nuk kishte logjikë për kompromis, Dinamo mundi 2-0 Egnatian në “Arenën Air Albania”.
Rrjetat ishin nga tepër shpejt, me anë të sulmuesit Malomo në minutat 15 e 20, ndërsa kampionët mbetën me 10 lojtarë kur Aleksi u përjashtua me të kuq, në minutat e fundit.
Kjo ishte një aperitiv përpara finales së Kupës që do të luhet këto ditë.
Kur duhen edhe dy javë deri në përfundim, Elbasani kryeson me 62 pikë, Vllaznia ka 65, Egnatia 54 dhe Dinamo 48 pikë.
Partizani duket I rrezikuar për të mbetur jashtë katërshes së parë, pra edhe jashtë Europës, duke pasur 45 pikë.
