Interi nuk heq dorë nga Marash Kumbulla dhe vazhdon negociatat me Hellas Verona. Zikaltrit kanë marrëdhënie shumë të mira me homologët nga Verona dhe po punojnë për të arritur akordin e transferimit të shqiptarit në “San Siro”.
Corriere dello Sport zbulon edhe kërkesën e fundit të të Hellas. Trajneri Ivan Juric pëlqen shumë Lucien Agoume, mesfushorin 18-vjeçar francez me origjinë nga Kameruni, konfirmimin e sulmuesit Eddie Salcedo dhe kartonin e Edoardo Verganit, sulmuesit 19-vjeçar.
Nuk përjashtohet mundësi që Kumbulla të qëndrojë edhe një sezon tjetër te klubi aktual. Kjo për të krijuar më shumë eksperiencë dhe prej faktit që 20-vjeçari nga Malësia e Madhe, do haste vështirësi për të fituar menjëherë postin e titullarit tek ekipi i Antonio Contes. /abcnews.al
