Banorët e disa fshatareve të Kurbinit dhe të Krujës prej pesë muajsh janë të bllokuar. Ura e Drojës në Mamurras e cila u shemb gjatë përmbytjeve nuk është ringritur.
Të kalojnë nga njëra anë në tjetrën duhet të mundohen fort.
Ndryshe përfundojnë në lumë.
Pesë muaj që këta njerëz kacavirren nëpër betonin e urës së shembur.
Ky prind ka marrë fëmijën nga shkolla.
Çdo ditë bën të njëjtën gjë. Vogëlushen e mban pranë vetes derisa kalon rreziku.
Ura e Drojës u shemb gjatë përmbytjeve të mëdha.Fshatrat në Kurbin dhe në Krujë janë bllokuar. Këtu kalojnë dhe fëmijët e shkollës. Për ta, në dispozicion me raste edhe vetëm një mjet.
Banorët që jetojnë pranë lumit të Drojës, bëjnë trefishin e rrugës. Ata nuk besojnë që ura do të ringrihet.
Lumi Droje kalon mes për mes dy njësive administrative. Me rrëzimin e urës zonat nuk lidhen me njëra tjetrën. Më herët fshatarët kanë protestuar, por sa rezultat pati, shihet tek kjo panoramë. /abcnews.al
