Ish-mesfushori i Interit, Torinos dhe PSG-së, Benoit Cauet, ka thurur elozhe për sulmuesin nigerian Victor Osimhen, për të cilin beson se ka për të bërë një karrierë të madhe te Napoli.
Sulmuesi 21-vjeçar duket se do të transferohet te gjigantët e Serie A. Osimhen shënoi 13 gola dhe dhuroi pesë asiste për Lille në një sezon të Ligue 1 të shkurtuar nga pandemia Koronavirus dhe ai është bërë një nga lojtarët më të përfolur kur bëhet fjalë për merkaton.
Tarifa e transferimit të Osmihen nga Lille te Napoli mund të jetë deri në 80 milion euro sipas disa raportimeve nga Italia, por do të jenë para të shpenzuara mirë, sipas Cauet.
“Osimhen mund të bëjë ndryshimin, ai mund ta bëjë Napolin të bëjë një hap më tepër drejt titullit kampion”, tha Cauet për Sky Sports Italia. “Ai është fizikisht i fortë dhe këtë vit, ka shpërthyer.
Është një djalë me të vërtetë i talentuar. Napoli është një ekip i shkëlqyer dhe ai duhet të bëjë hapin cilësor. Duhet të shpërthejë njësoj si te Lille”./abcnews.al
