“Ligji shqiptar e ndoqi deri në Sesto San Giovanni”.
Kështu i referohen mediat italiane arrestimit të një shqiptari, i cili kishte filluar punë si kuzhinier në vendin fqinj, por ishte shpallur në kërkim nga drejtësia shqiptare.
Bëhet fjalë për 39-vjeçarin P.Q. Ai kërkohej nga Shqipëria që nga viti 2013 për shkak se kishte falsifikuar disa dokumente.
Në këtë kohë, sipas mediave italiane, 39-vjeçari shërbente si këshilltar komune, por nuk bëhet i njohur emri i komunës ku kishte punuar.
Gjithashtu, mësohet se ai ishte dënuar nga gjykata me dy vjet burg.
Autoritetet italiane e kanë dërguar në një burg në Monza 39-vjeçarin, derisa të plotësohen dokumentet e plota për ekstradimin e tij në Shqipëri./abcnews.al
