Një grua ka humbur jetën pasi shpërtheu zjarri në një shtëpi për personat me aftësi të kufizuar për të mësuar në Londër.
Shpërthimi ndodhi në Connington Crescent, Chingford, në veri të Londrës pak orë pas mesnate. Tetë banorë të shtëpisë dhe katër kujdestarë arritën të largoheshin nga ndërtesa 3-katëshe para se të vinin zjarrfikësit.
Sipas BBC, mjekët u munduan t’i shpëtojnë jetën gruas, por ajo u shpall e vdekur në vendngjarje. Nuk dihet nëse ajo ishte një banore apo kujdestare.
Mësohet se ishin më shumë se 70 zjarrfikës që u munduan të fikin flakët. Autoritetet bëjnë të ditur se shtëpia e djegur shërbente për personat me aftësi të kufizuar në të mësuar siç janë ata me autizëm./abcnews.al
