Një ndeshje e Premier League të Rusisë është pezulluar ditën e sotme dhe shkaku është koronavirusi. Sochi do të luante jashtë fushe kundër Tambov, por është goditur keq nga COVID-19.
Plot nëntë pjesëtarë të klubit të Sochi kanë rezultuar pozitivë, duke shkaktuar një rrëmujë të madhe në skuadër. Akoma nuk dihet se sa është numri i futbollistëve të infektuar.
Situata e krijuar ka detyruara drejtuesit e futbollit rus të shtyjnë këtë ndeshje, teksa nuk është marrë akoma një vendim se kur do të luhet sfida e javës së parafundit të kampionatit. /abcnews.al
