Një aksident me pasojë vdekjen ka ndodhur ditën e sotme në Kavajë. Burime për abcnews.al bëjnë të ditur se makina ka përplasur një këmbësore.
Ngjarja ka ndodhur tek mbikalimi i Harizaj, në Kavajë, ku mjeti me drejtues shtetasin S.B., ka aksidentuar shtetasen T.L., 47 vjeçe, e cila si pasojë e plagëve të marra ka ndërruar jetë.
Ndërkaq, policia ka nisur hetimet për zbardhjen e plotë të ngjarjes.
Një sërë aksidentesh janë shënuar gjatë ditës së sotme në vend. Pak më herët, abcnews.al raportoi një aksident në Bulqizë, ku si pasojë e përplasjes së disa makinave mbetën të plagosur tre persona.
Po ashtu një tjetër aksident ndodhi sot në Vorë, ku dy automjete u përplasën me njëri tjetrin dhe për pasojë u plagosën një çift bashkëshortësh.
Njoftimi i policisë:
Më datë 01.07.2020, rreth orës 14:50, tek mbikalimi i Harizaj, në Kavajë, mjeti me drejtues shtetasin S.B., ka aksidentuar shtetasen T.L., 47 vjeçe, e cila si pasojë e plagëve të marra ka ndërruar jetë.
hetimor dhe sherbimet e Policisë ndodhen në vendngjarje dhe vijon puna për zbardhjen e plotë e rrethanave të ngjarjes.
/abcnews.al
