Loading ...
Presidenti i La Liga-s, Javier Tebas, ka thumbuar Cristiano Ronaldon me deklaratën e tij më të fundit. Kreu i futbollit spanjoll tha se largimi i Cristianos nga Real Madrid te Juventus, nuk është ndjerë aspak.
“Normalisht, largimi i Cristiano Ronaldos i acaroi tifozët e Real Madrid”, tha fillimisht kreu i La Liga-s. “Kampionati spanjoll është platforma e duhur për të parë në fushën e lojës kampionë të shumtë dhe yjet më të mëdhenj të futbollit.
Por vetëm Lionel Messi është ndryshe, ai është futbollisti më i mirë i të gjitha kohërave. Nëse Messi do të largohej nga kampionati spanjoll, mungesa e tij do të ndihej shumë. Messi është ikonë e futbollit spanjoll dhe dua që ai të tërhiqet nga futbolli duke luajtur në Spanjë”, përfundoi Tebas./abcnews.al
