Një klub futbolli i formuar në Malajzi nga myslimanët Rakhine, të cilët u arratisën nga Myanmar-i, po mundohen të krijojnë një profil ndërkombëtar që të tregojnë atë që në të vërtetë dinë të bëjnë, kur nuk vuajnë nga shtypja.
Disa myslimanë Rakhine, u arratisën nga shteti Rakhine në perëndim të Myanmar-it për t’i shpëtuar spastrimit etnik vite më parë. Ata gjetën strehim në Malajzi dhe në vitin 2015 krijuan Rohingya Football Club në Kuala Lampur.
“Ky ekip u themelua që t’u jepte myslimanëve Rakhine një zë në botë dhe për të treguar se ata dinë të kenë sukses”, tha themeluesi i klubit Muhammed Nur për agjencinë e lajmeve Anadolu.
Skuadra ndeshet edhe në nivele ndërkombëtare. E gjitha kjo për të dhënë mesazhin që mund t’ia dalin mbanë edhe kur kanë kaluar një situatë të tillë të vështirë./abcnews.al
